Коронавирусын халдвар авсан ОХУ-ын Ерөнхий сайд эдгэрч, ажилдаа оржээ

Twitter Print
2020 оны 05-р сар 19-нд 17:56 цагт
Мэдээний зураг,

Коронавирусний халдвар авсны улмаас эмчилгээ хийлгэж байсан ОХУ-ын Ерөнхий сайд Михайл Мишустин үүрэгт ажилдаа эргэн оржээ.

Эмнэлэгт хэвтэх хугацаандаа М.Мишустин цахим хэлбэрээр хэд хэдэн удаа зөвлөгөөн явуулжээ. Түүний бие нь сайжирч байгаа бөгөөд удахгүй эмнэлгээс гарна хэмээн өмнө нь мэдээлсэн байна. Ерөнхий сайдын үүргийг түр гүйцэтгэхийг ОХУ-ын Тэргүүн шадар сайд Андрей Белоусовд даалгаж буйг цуцалсан ОХУ-ын Ерөнхийлөгч Владимир Путиний захирамжийг Кремлийн ордны цахим хуудсанд нийтэлжээ. ОХУ-ын Засгийн газрын тэргүүний үүргийг гүйцэтгэх тухай захирамжид В.Путин 4 дүгээр сарын 30-нд гарын үсэг зурсан байна. 

М.Мишустин өнгөрсөн 1-р сард ОХУ-ын Ерөнхий сайдаар сонгогдсон ба ОХУ дахь коронавирусын халдварын дэгдэлтийн бууруулах ажлыг хариуцан ажиллаж байсан юм. Ерөнхий сайд Михаил Мишустин коронавирусын халдвар авч, тусгаарлалтанд орох үед түүний албан үүргийг Ерөнхий сайдын 1-р орлогч Андрей Белоусов гүйцэтгэж байжээ.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.