КАСТОРЫН ТОС
Та химийн бүтээгдэхүүнээс татгалзаж байвал өдөр тутмын гоо сайхны арчилгаандаа КАСТОРЫН ТОСЫГ нэмээд үзээрэй. Өдөр тутмын гоо сайханд тулгардаг асуудлуудыг КАСТОРЫН ТОСНЫ туслалцаатай эмчилж, хэвийн болгох бүрэн боломжтой гэдгийг танд дуулгахад таатай байна.
1. Батга болон батганы дараах сорви
Арьс хэтэрхий тослогтох үед батга гарч эхэлдэг. Дэлгүүрүүдэд худалдаалагддаг ихэнх гоо сайхны бүтээгдэхүүнүүд арьсыг хуурайшуулдаг бөгөөд үр дүнд нь чийгшүүлэх зорилгоор илүү их тос ялгаруулдаг байна. Ингээд л батга гардаг. Нөгөө талаасаа касторын тосны найрлаганд тослог хүчил агуулагддаг тул, арьсны байгалийн чийгшүүлэх үйлчилгээг нөхөн сэргээхэд тусалдаг байна. Нүүрэндээ тойрог чиглэлээр касторын тосноос зөөлөн түрхэж, шөнийн турш байлгаж, маргааш өглөө нь бүлээн усаар угаагаарай.
2. Сорви болон нарны түлэгдэлт
Касторын тос гэмтсэн арьсны эсийг гуужуулахад туслах бөгөөд түлэгдэлт, сорвижилт болон язралт үүсэхэд хүртэл хэрэглэж болно. Микробын эсрэг үйлчилгээтэй учраас цусны эргэлтэнд эерэгээр нөлөөлдөг. Тийм учраас үүнийг олон төрлийн нарны тосны найрлаганд ашигладаг байна. Учир нь нарны туяанаас хамгаалах хамгаалалт болдог ажээ.
3. Үсний гэмтэл болон үс уналт
Үсийг гаднаас нь тэжээж, үсний уян хатан байдлыг нэмэгдүүлэх болон гэмтэхээс сэргийлдэг. Түүгээр ч зогсохгүй үсний угийг илүү бат бөх болгож, үс унахаас сэргийлэх ач тустай – найрлагандаа рицинолек хүчил агуулдаг. Энэ нь мөн хагтах үеийн шинж тэмдгийг багасгахад сайнөөр нөлөөлнө. Хуйхандаа касторын тосоор 7 хоногт цөөн удаа зөөлөн иллэг хийж, дараа нь тогтмол угаадаг шампуниараа үсээ угаагаарай.
4. Үрчлээ
Цөөн дусал касторын тосыг үрчлээ үүссэн хэсгүүдэд дусаана. Ингэснээр коллагеныг ялгаруулахад туслах бөгөөд үр дүнд нь арьсанд хөгшрөлт явагдах үйл явц удааширна. Учир нь найрлаганд нь агуулагдах тослог хүчил чийгшүүлэх үйлчилгээтэй бөгөөд үрчлээ үүссэн хэсгүүдийг чийгшүүлж, зөөлрүүлдэг байна.
5. Хатсан уруул
Мөн та касторын тосыг хэрэглэж, хатсан уруулыг эмчилж болно. Бага хэмжээгээр урууландаа түрхэнэ. Яагаад гэвэл найрлагандаа тэжээллэг орц болох витамин Е амин дэм, эрдэс бодисууд болон тослог хүчил агуулдаг. Богино хугацаанд эмчилж, чийгшлийн тэнцвэрийг нөхөн сэргээнэ. Та хуруугаараа касторын тосноос уруул дээрээ шууд түрхэхэд хангалттай.
6. Хатаж хуурайшсан арьс, хагарсан өсгий болон цэврүү
Касторын тос нь байгалиасаа чийгшүүлэх үйлчилгээтэй тул, хуурай арьсанд тэжээл өгч, үхэжсэн хэсгүүдийг чийгшүүлж, нөхөн сэргээнэ. Мөн цэврүү болон хагарсан өсгийг хэвийн болгоход тусалдаг байна. Цөөн хоолны халбага касторын тосыг халуун устай хольж, үүндээ цэврүүгээ дэвтээнэ. Энэ хольц байгалийн гаралтай арьс тослогчийн үйлчилгээг үзүүлэх юм.
7. Арьс сөрөх болон хумс хэврэгшилт
Мөөгөнцрийн эсрэг болон базтерийн эсрэг үйлчилгээтэй учир, касторын тосыг хумс болон хумсны ойролцоох арьс сөрөлтөд хэрэглэж болох бөгөөд ингэснээр арьсыг эрүүл болгож, хумсыг бат бөх ургуулна. Касторын тосыг найрлагандаа агуулсан хумс арчилгааны бүтээгдэхүүнүүд дэлгүүрт олон худалдаалагддаг ч, оронд нь та хумсандаа цөөн дусал касторын тос дусаах эсвэл халуун усанд шингэлж, хумсаа 7 хоногт цөөн удаа дэвтээхэд болно.
8. Хөмсөг, сормуус, сахал
Судалгаагаар касторын тос үсийг бэхжүүлж ургуулахад туслахаас гадна, сормуусанд адилхан нөлөөлдөг болохыг баталжээ. Өмнө хэлсэнчлэн, рицинолек хүчлээр баялаг бөгөөд их хэмжээгээр найрлаганд нь агуулагддаг триглицерид болон простагландин Д2 урвалыг удаашруулагчид нь сормуусыг чийгшүүлж, үс унахаас сэргийлдэг байна. Хөмсөг сормуусанд тэжээл өгч ургуулах, Хөмсөг сормуусны хими, хөмсөг шивүүлсэн , сормуус суулгуулсан бол тэжээл өгч өөрийн сормуусыг унахаас хамгаалж ургалтыг дэмждэг.Эрчүүд маань хүртэл энэ гайхалтай тосны ачаар хүссэнээрээ сахлаа ургуулдаг гээд боддоо.Нүүрээ савангаар угааж цэвэрлэсний дараа нойтон үед нь сахал,хөмсөг, сормуусандаа түрхэж өгнө.
9. Үсний ургалт
Та хуйхандаа касторын тосоор зөөлөн иллэг хийж, 15-20 минутын дараа өөрийн хэрэглэдэг шампуниараа үсээ угаагаарай. Үүний учир нь рицинолек хүчил болон омега-6 тослог хүчлүүд нь цусны эргэлтийг сайжруулж, үс ургалтыг идэвхжүүлдэгтэй холбоотой юм.
Энэ мэдээ танд таалагдаж байвал LIKE хийгээрэй. Танд баярлалаа.
