СОНГОГЧДЫН 100% САНАЛААР ГАРСАН ЦОР ГАНЦ ЕРӨНХИЙЛӨГЧ
"Хаан", "дарангуйлагч" гэж нэрлэгдэхийг хүсээгүй "ноён Ерөнхийлөгч" бол Жорж Вашингтон (1732-1799) бөгөөд АНУ-ын анхны удирдагч юм.
1776 оны 7-р сарын 4-нд АНУ тусгаар тогтнолоо зарласан, дашрамд хэлэхэд, Кэтрин II Запорожийн Сичийг устгаснаас нэг жилийн дараа, гэхдээ америкчууд саяхныг хүртэл колони байсан Их Британитай дахин 6 жил тулалдсан түүх байна.
Жорж Вашингтоныг АНУ-д шинэ муж улсын анхны тэргүүн төдийгүй тусгаар тогтнолын төлөө тэмцсэн эх газрын армийн командлагч гэдгээрээ үнэлэгддэг. Вашингтоны арми, дашрамд энгийн иргэдээс бүрдсэн, сайн бэлтгэгдсэн Британийн цэргүүд эсэргүүцэх ёстой байсан тул тэр бүр ялалт байгуулдаггүй байв. Эцэст нь америкчуудын хувьд бүх зүйл амжилт олж, 1789 онд Жорж Вашингтон анхны ерөнхийлөгчөөр сонгогдсон бөгөөд энэ хүнийг Америк үндэстэнийг "үндэслэгч эцэг" гэж нэрлэсэн.
Энэ гайхалтай хүний тухай хамгийн сонирхолтой баримтууд олноор үлджээ.
188 сантиметр өндөртэй Жорж Вашингтон АНУ-ын хамгийн өндөр ерөнхийлөгчдийн нэг байв. Сонирхолтой нь 20 настайгаасаа шүд нь унаж эхэлсэн бөгөөд энэ нь буйлны өвчлөлийн гаралтай байдаг, сонгогдох үед ердөө ганцхан шүд үлдсэн байсан хэмээдэг. Түүний шүд хиймэл амьтны соёогоор хийсэн боловч Вашингтоны зарим шүд нь модон байсан гэсэн домог яригдсаар байна.
Вашингтонд ерөнхийлөгч хэмээсэн нэршил биш, дарангуйлагч эсвэл хааны байр суурийг нутаг нэгтнүүд нь санал болгосон юм. Гэвч тэрээр зохицуулалт хийж, засгийн эрхэнд гарсан цагаасаа эхлэн АНУ өөрийн гэсэн ерөнхийлөгчтэй болгосон. Зөвхөн тэнд ч биш дэлхий дахины улс орон ерөнхийлөгчтэй байх үндсийг тавьсан.
Жорж Вашингтонд сонгогчдын 100% бүгд саналаа өгсөн түүхэн дэх цорын ганц АНУ-ын тэргүүн болсон. Тэрээр хоёр дахь удаагаа дурамжхан, гурав дахь удаагаа эрс татгалзаж, өөрийн фермдээ буцаж ирсэн юм. Учир нь тэр хамгийн том газар эзэмшигчдийн нэг байв. Түүний дараа Америкийн ерөнхийлөгч нарын хэн нь ч энэ албан тушаалыг хоёроос илүү удаа хашиж байсангүй. Энэ бол "үндэслэгч эцэг"-ийн тавьсан бичигдээгүй уламжлал юм. Зөвхөн Франклин Рузвельт л өнгөрсөн зууны дундуур 4 удаа сонгогдож зөрчсөн. Үүний дараа хоёроос дээш удаа нэр дэвшихийг хориглосон заалтыг хууль болгон оруулж ирсэн.
1791 онд АНУ-ын нийслэл Вашингтон хотыг одоогийн ерөнхийлөгч Жорж Вашингтоны нэрээр нэрлэжээ. Энэ бол Америкт өвөрмөц тохиолдол байлаа. Түүнийг нас барснаас хойш нэг жилийн дараа барьж дуусгасан Цагаан ордныг бариулсан хүн юм.
Эхлээд Вашингтон ерөнхийлөгчийн жилийн 25 мянган долларын цалингаас татгалзсан, гэвч хожим нь ийм хэмжээний цалинг авахгүй учир тэр зөвшөөрсөн. Америкчуудад цалин хэрэггүй баян хүн л ерөнхийлөгч болдог гэсэн ойлголт бүү төрүүлээсэй гэсэн учраас цалингаа авсан. Тухайн үед 25 мянга бол улсын хувьд асар их мөнгө байсан бөгөөд улсын төсвийн 2 хувьтай тэнцэж байжээ.
1797 онд Вашингтон албан тушаалаасаа огцорч, дахин хоёр жил амьдарсан. Энэ хугацаанд улсдаа хамгийн том архины үйлдвэрийг байгуулж чадсан бөгөөд эх орон нэгтнүүдээ нэгдүгээр зэрэглэлийн вискигээр утгаар нь "угжсан".
Мөн нохойг маш их хайрладаг, морь унах дуртай байв. Морьдыг эмээллэхдээ морины цэвэр ариун байдалд шаардлага тавихаас гадна амьтны шүдний цэвэр байдлыг маш нухацтай шалгадаг байв.
Хоёр дахь удаагаа тангараг өргөх үеэр Жорж Вашингтон богино хэмжээний үг хэлсэн бөгөөд энэ нь 133 үгнээс бүрдсэн.
"Үндэслэгч эцэг" нь маш их өвддөг байсан ба амьдралынхаа туршид сахуу, сүрьеэ, салхин цэцэг, цусан суулга, хумхаа, хоолойн өвчлөл, уушгины үрэвсэл, амьсгалын дээд замын халдвар гэх мэт өвчнөөр шаналж байжээ.
АНУ-ын анхны ерөнхийлөгч өөрийн үр удмаа үлдээгээгүй. Түүний эхнэр Марта өмнөх гэрлэлтээс хоёр хүүхэдтэй байсан.
Ерөнхийлөгч бичих их дуртай байсан. Янз бүрийн тооцоогоор түүний 18-20 мянган үсэг бүхий бичвэр үлдсэн байна.
Өдөр бүр нэг үсэг үзэгнээс гарахаар тооцоолбол ерөнхийлөгчийг давахад 50-55 жил шаардлагатай.
Жорж Вашингтоны хөрөг нэг долларын дэвсгэрт дээр дүрслэгдсэн байдаг.
Жорж Вашингтоны хамгийн их иш татсан 5 ишлэл
1. Муутай хамт байснаас ганцаараа байх нь дээр.
2. Дайнд бэлтгэх нь энхийг сахиулах хамгийн үр дүнтэй арга хэрэгслийн нэг юм.
3. Эрх чөлөөт үндэстэй бол ургамал, хурдан ургадаг.
4. Бурханы хүссэн зүйлийг хийх эсэхээ шалгаарай, дараа нь бүх хүч чадлаараа хий.
5. Аз жаргал нь гадны нөлөөллөөс илүү хүний оюун санааны дотоод бүтцээс хамаардаг хэмээжээ.
Дэлхийн алдартнууд,сом
Р.Сайхан-Уул
Энэ мэдээ танд таалагдаж байвал LIKE хийгээрэй. Танд баярлалаа.
