Доналд Трамп Хонгконг дахь нөхцөл байдлыг хүнлэг байдлаар зохицуулахыг Бээжингээс хүсчээ

Twitter Print
2019 оны 10-р сар 08-нд 09:18 цагт
Мэдээний зураг,

АНУ-ын Ерөнхийлөгч Доналд Трамп Хонгконг дахь нөхцөл байдлыг хүнлэг байдлаар зохицуулахыг Бээжингээс хүсчээ.

Түүний хэлж байгаагаар Бээжингийн зүгээс Хонгконгд үүссэн нөхцөл байдлыг хүчирхийллээр шийдэх нь АНУ-Хятадын худалдааны яриа хэлэлцээрт муугаар нөлөөлөх гэнэ. Энэ сарын 10-нд АНУ-д хоёр улсын эрх баригчид худалдааны яриа хэлэлцээрээ эхлүүлж байгаа ба энэхүү уулзалтаар талууд "тодорхой үр дүнд хүрэх боломжтой" хэмээн Ерөнхийлөгч Доналд Трамп онцолжээ.

Түүний хэлж байгаагаар АНУ Хятадтай хийх худалдааны хэлэлцээрээрээ илүү том үр дүнд хүрэхийг эрмэлзэж байгаа гэнэ. Фокс Ньюс сувгийн сэтгүүлч Эдвард Лоуренсийн хэлж байгаагаар Хятадын Худалдааны яам талуудын өмнөх уулзалтуудаар зөвшилцөлд хүрсэн зүйл заалтуудаар гэрээ хэлэлцээр хийхэд бэлэн гэдгээ илэрхийлсэн ба зарим нэг асуудлыг ирэх жил хэлэлцэх талаар мөн ярилцах аж.

Хоёр орны худалдааны салбарт үүсээд буй асуудлуудыг шийдэхийн тулд талууд өнгөрсөн хэдэн сарын турш яриа хэлэлцээр хийж байгаа ба хамгийн сүүлд өнгөрсөн 7-сарын 30,31-ний өдрүүдэд Шанхай хотноо уулзаж ярилцсан билээ. Өнгөрсөн сард хоёр улсын төлөөлөгчид худалдааны салбар дахь тэнцвэргүй байдал, хөрөнгө оруулагчдын эрх ашгийг хамгаалах асуудлуудыг урьдчилсан байдлаар хэлэлцсэн аж.

Image result for Трамп пригрозил полностью уничтожить экономику Турции

БНХАУ-ын Төрийн зөвлөлийн Шадар сайд Лю Хэргийн хэлж байгаагаар Америкийн тал Хятадын 250 тэрбум ам. долларын үнэ бүхий импортын бараа бүтээгдэхүүний татварыг 25 хувиас 30 хувь хүртэл өсгөх шийдвэрээ энэ сарын 15 хүртэл хойшлуулсан явдлыг Бээжин сайшаалтайгаар хүлээн авсан байна. Харин Бээжингийн зүгээс өнгөрсөн сарын 17-ноос АНУ-ын 16 нэр төрлийн импортын бараа бүтээгдэхүүнийг нэмэлт татвараас чөлөөлөх шийдвэр гаргасан билээ.

Эх сурвалж: NTV.ru

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.