Нурууны өвчлөлд дасгалыг ямар дарааллаар хийх вэ

НУРУУНЫ ӨВЧНӨӨС ШАЛТГААЛАН ДАСГАЛ ХИЙХЭЭР ШИЙДСЭН БОЛ ДАСГАЛАА ЯМАР ДАРААЛЛААР ХИЙВЭЛ АЮУЛГҮЙ ВЭ?

Бие халаалт

Та дасгалын өмнө биеэ халааснаар дасгал хийж байх үед таны булчин гэмтэхээс, улмаар нуруунд хэт ачаалал ирэхээс сэргийлдэг. Та 5-10 минутын туршид аажмаар ачааллаа нэмэх байдлаар бие халаалтаар хичээллээд дараа нь дасгалаа үргэлжлүүлж болно.

Нуруу өвддөг бол эхлээд зүгээр л гараа савлаж алхаж болно. Ингэхэд биеийн бүх хэсгүүд хөдөлгөөнд орж, үенүүд сулхан хөдөлж ялангуяа сээрний үенүүд бага далайцаар эргэх хөдөлгөөн хийнэ. Аажмаар хэмнэлээ хурдасгах ба ингэснээр нугалам хоорондын жийргэвчийн тэжээл сайжрах ач холбогдолтой.

Үндсэн дасгалаа хийх

Та өөрийн сонирхон хичээллэдэг төрөл болох нуруунд зориулсан дасгал хөдөлгөөн, усанд сэлэлт, гүйлт, эсвэл дасгалын төхөөрөмж ашиглаж дасгал хийх нь үндсэн дасгалд багтана. Энэ үед таны бүх үе эрчимтэй хөдөлж, сунгагдаж, тохирсон ачаалал авч байх ёстой. Дасгалаар 7 хоногт 2-оос цөөнгүй удаа хичээллэхэд тохиромжтой.

Сунгалт

Дасгалаар хичээллэсний эцэст булчингууд ачаалагдан чангарсан байдаг тул сунгалтын дасгал хийснээр хичээл сургуулилтаа дуусгаж байх ёстой. Энэ нь булчин чангарсан хэвэндээ үлдсэнээр нуруунд ачаалал ирэх, булчингийн чангарлын улмаас цусны эргэлт тасалдахаас сэргийлдэг. Сунгалтын дасгалаа 5-10 минут хийнэ

БЭХАНЗЭ ЭМНЭЛЭГ

 

Энэ мэдээ танд таалагдаж байвал LIKE хийгээрэй. Танд баярлалаа.