Афганистанд эмэгтэй рэп дуучин байх хэцүү

Twitter Print
2013 оны 10-р сар 31-нд 12:47 цагт
Мэдээний зураг,

Афганистанд Талибанчууд ноёрхлоо тогтоогоод байхдаа дуу хөгжмийг бүрэн хориглоод байсан. Харин одоо эргээд сэргэж байна. Гэсэн ч Афганистанд эмэгтэй рэп дуучин байх нь хэцүү гэнэ. Тайзны нэр нь Paradise буюу Диваажин гэж нэрлэгддэг дуучин эмэгтэйчүүдийн тэгш эрхийн талаар дуулдаг байжээ. Гэтэл түүнийг айлган заналхийлсэн тул арга буюу эх орнооо орхин явсан байна. Харин одоо нийслэл Кабул хот руу эргэн очиж, концерт зохион байгуулахаар гэртээ бэлтгэл хийж байна. Түүний сүйт залуу хамтлагийнх нь гишүүн, хөгжимчин. Гэвч тэдний амьдралд олон бэрхшээл тохиолджээ. Тэднийг дуу бичлэгийн студид бичлэгээ хийлгэх гэж байхад нь өөр хамтлагийн залуус маш хэрцгийгээр зодсон байна. Иймд тэд Таджикстан руу нүүж, шинэ альбомоо гаргажээ. Тэд Афганистанд олон зуун шүтэн бишрэгчтэй тул зориг шулуудан, эх орондоо буцаж ирсэн байна.   

Б.Эрдэнэчимэг

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.