Фүмио Кишида ирэх сард Киевт айлчилна

Twitter Print
2023 оны 01-р сар 22-нд 11:33 цагт
Мэдээний зураг,

Японы Ерөнхий сайд Фүмио Кишида ирэх 2-р сард Киевт айлчилж, Украины Ерөнхийлөгч Володимир Зеленскийтэй уулзахаар төлөвлөж буй талаар Ёмиүри сонинд бичжээ.

Ёмиүри сонинд бичсэнээр эдийн засгийн хөгжлөөрөө тэргүүлэгч "Их-7" -гийн гишүүн улс орнуудыг энэ онд ахалж байгаагийн хувьд Япон улс Украиныг дэмжиж буйгаа харуулах, Киевийн хамтаар ОХУ-ын түрэмгийллийг эсэргүүцэж буйгаа илэрхийлж, хамтын мэдэгдэл гаргахыг зорьж байгаа аж.

Украинд болж буй дайны нөхцөл байдлаас хамаарч Ерөнхий сайд Фүмио Кишида Киевт айлчлах эсэхээ эцэслэн шийднэ гэжээ. Японы Гадаад харилцааны яам үүнд ямар нэг тайлбар өгөөгүй байна.

Японы Засгийн газрын танхимын ерөнхий нарийн бичгийн дарга Сеижи Кихара Япон улс "Их-7" -гийн бүлгийг энэ жил ахалж байгаагийн хувьд Ерөнхий сайд Фүмио Кишида Киевт айлчлах ёстой хэмээн мэдэгджээ.

Эх сурвалж: Reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.