Хоёр болон түүнээс дээш цагийг гар утас, таблит, TV болон бусад дэлгэцэн дээр өнгөрөөдөг 1 настангууд ирээдүйд хөгжлийн хоцрогдолтой болох магадлал их байна гэж JAMA pediatrics сэтгүүлд тавигдсан судалгаагаар гарчээ.
Нийт 7097 хүүхдийн мэдээлэл дээр үндэслэсэн энэхүү судалгаагаар дэлгэцийн цаг нь нэмэгдэх тутам хөгжлийн хоцрогдлууд, ялангуяа хэл яриа, асуудлыг шийдвэрлэх чадварын хоцрогдолтой болох магадлал нэмэгдсэн байжээ.
Жишээ нь 2 цаг хүртэл хугацаагаар өдөрт дэлгэц хэрэглэдэг хүүхэд 1 цаг хүрэхгүй хэрэглэдэг хүүхдийг бодвол 2 нас хүрэхдээ хэл ярианы хоцрогдолтой болох магадлал 61%-иар илүү гэж гэж гарчээ. 4 болон түүнээс дээш цагийг өнгөрөөдөг хүүхдэд энэ эрсдэл 5 дахин нэмэгдэнэ. Зөвхөн тархи оюуны, хэл яриа төдийгүй биеийн хөдөлгөөний хоцрогдолд хүргэж байгаа юм.
Бүр 2016 онд Америкийн хүүхдийн эмч нарын холбооноос дэлгэцийн хэрэглээ нь хүүхдэд оюун санаа, бие махболийн хоцрогдол үүсгэж байгаа тул гагцхүү өвөө эмээтэй нь гэхчилэн хайртай хүмүүстэй ярилцах энэ тэрээс бусад тохиолдолд электрон дэлгэцийг 2 нас хүртэл хэрэглүүлэхгүй байхыг зөвлөсөн байна.
Гурван нас хүртлээ хүүхэд эргэн тойрон, Хорвоог таних цаг. Ээж болон хайртай хүмүүс нь хажууд нь байж амгалан тайванг мэдрүүлж, ярьж, харилцаж, тэвэрч, элгэндээ нааж, алсыг харуулж, элс, шороо, чулуу, тоглоом гэхчилэн төрөл бүрийн зүйлийг мэдрүүлж тэмтрүүлж, алхуулах зэрэгт хүрч мэдэрч, харж, амталж, үнэрлэж, сонсох мэдрэмжүүд нь хөгжиж хөгжлийнхөө дараагийн шатанд бэлтгэгдэх ёстой. Гэтэл эдгээрийгээ авч чадаагүй хүүхдийн дараагийн хөгжлийн шатнууд хоцроод хоцроод явчихна шүү дээ залуус минь. Хүүхэд төрүүлнэ гэдэг ээж аав, өвөө эмээ та бүгд хүүхдийг өсгөж, хүмүүжүүлэх, сургах, хариуцах үүргийг насан туршдаа үүрэхээр амалж авч байгаа гэсэн үг.
Ээж аав, өвөө эмээ болно гэдэг бидний хорвоод хийж байгаа хамгийн том ажил маань ч байж магадгүй. Түүнээс хэд өхөөрдчихөөд яваад байж болохгүй ээ өвөө эмээ. Нөгөө ертөнцөд ч очоод хүүхдээ , ач зээгээ, үр удмаа зөв өсгөж үлдээсэн эсэхээ тооцуулна шүү дээ бид.
Д.Баяраа
USA
Энэ мэдээ танд таалагдаж байвал LIKE хийгээрэй. Танд баярлалаа.
