Хунчир гэх ид шидтэй ургамал

Бидний өвөг дээдэс дархлаа дэмждэг, тамир тэнхээ, чалхыг сайжруулдаг, анагаах увдистай эмт ургамлын тухай өндөр мэдлэгтэй байж, амьдрал ахуйдаа өргөнөөр хэрэглэж иржээ. Тэр дундаа хунчирыг “Ургамлын хаан” хэмээн өргөмжилж эмчилгээ, хүнсэндээ тогтмол хэрэглэж заншжээ. Хүний биеийн дархлаа сайн байснаараа олон төрлийн өвчин эмгэгээс өөрийгөө хамгаалж, эрүүлждэг байна.

ХУНЧИР-ын ашиг тус:

- Биеийн дархлааг дэмжиж, тамир тэнхээг сэргээнэ. Хунчир нь эсийг үхжилтээс хамгаалж, эсийг гэмтэхээс сэргийлнэ.

- Холестерин бууруулна. Хунчирт агуулагдах флавонойд болон антиоксидант нь цусан дахь өөх тосны хэмжээг бууруулдаг. Иймд Монголчууд хунчирыг махтай хамт чанаж, цайнд хийж уух зэргээр байнга хэрэглэж ирсэн байна.

- Цусны даралтыг тогтворжуулж, зүрх судасны системийг хамгаална. Цусан дахь өөх тосны хэмжээг бууруулдаг учир судасны хананд бөглөрөл үүсэх, зүрхний шигдээс, цус харвах зэрэг өвчнөөс урьдчилан сэргийлдэг.

- Чихрийн шижин илааршуулж, урьдчилан сэргийлнэ. Хунчир нь хөнгөн хэлбэрийн чихрийн шижинг анагааж, чихрийн шижинтэй холбоотойхавсарсан бусад өвснөөс урьдчилан сэргийлнэ.

- Хавдрын өсөлтийг сааруулна. Хунчирт агуулагдах сапонин, флавоной, полисахарид нь хавдрын дэгдэлтийг удаашруулна.

- Шархыг түргэн анагаана. Цус алдалтыг намдаах, эсийг нөхөн төлжүүлж, шархыг түргэн эдгээх шинж чанартай. Эрт дээр үед цэргүүд аян дайнд явахдаа байнга хунчирыг авч явж, хэрэглэдэг байжээ.

- Харшлыг намдаана. Хүний биеийн дархлааг дэмжиж сайжруулж байдаг учир харшлын шинж тэмдгийг бууруулж, урьдчилан сэргийлдэг байна.

- Хоол боловсруулалтыг сайжруулна. Ходоод гэдэсний үйл ажиллагааг дэмжиж, хоолны шингэцийг хурдасгадаг.

- Тархины үйл ажиллагааг сайжруулж, коллаген багасахаас сэргийлж, эсийг нөхөн төлжүүлж, сэргээж байдаг учир хөгшрөлтийг удаашруулдаг байна.

 

Энэ мэдээ танд таалагдаж байвал LIKE хийгээрэй. Танд баярлалаа.