КОВИД-19 вакцинд хамрагдаж нас барсан 23 хүний үхлийн шалтгааныг тодруулж байна

Twitter Print
2021 оны 01-р сар 19-нд 12:48 цагт
Мэдээний зураг,

Норвегийн эмч нар Pfizer/BioNTech компаниудын гаргасан коронавирусын эсрэг вакцинд хамрагдсаныхаа дараа нас барсан 23 өндөр настны үхлийн шалтгааныг тодруулахаар ажиллаж байна.

Эмч нар вакцины гаж нөлөө нь сул биетэй зарим өвчтнүүдийг нас барахад нөлөөлсөн эсэхийг шалгаж байгаа аж. Pfizer/BioNTech компаниудын коронавирусын эсрэг вакцин гаж нөлөө илрэх нь ховор бөгөөд ихэнх тохиолдолд хөнгөн хэлбэрээр илэрдэг болохыг туршилтаар тогтоосон. Гаж нөлөө болох халуурах, дотор муухайрах шинж тэмдэг нь хүнд өвчтэй, бие муутай өвчтнүүдийн хувьд аюултай байж болох талаар мэргэжилтнүүд онцолж байна.

Норвегийн Нийгмийн Эрүүл мэндийн институт коронавирусын эсрэг вакцинжуулалтын зааварт өөрчлөлт оруулж, бие муутай өндөр настнууд болон эдгэрэшгүй өвчтэй хүмүүсийг вакцинд хамруулахад анхаарах зүйлсийг нарийвчлан зааж өгсөн байна. Зааврын дагуу эмч нар вакцинд хамрагдах гэж буй өвчтөн нэг бүрийн биеийн байдлыг үнэлж, вакцины ашиг тус нь үүсч болох эрсдлээс давсан гэж үзсэн тохиолдолд л вакцинд хамруулах аж. Өнгөрсөн пүрэв гарагийн байдлаар Норвегид нийт 42 мянган хүн коронавирусын эсрэг вакцины эхний тунг хийлгээд байгаа бусад улс орнуудын адилаар Норвегийн эрх баригчид хамгийн түрүүнд коронавирусын халдвараар хүндээр өвдөх эрсдэлтэй өндөр настнууд, асрамжийн газарт амьдарч буй ахмадуудыг вакцинд хамруулж эхлээд байгаа билээ.

Тус улсад өндөр настнуудын асрамжийн газруудад долоо хоногт дунджаар 400 хүн нас бардаг талаар Норвегийн Анагаах ухааны агентлагаас онцолжээ. Pfizer компани вакцинд хамрагдсаны дараа нас барсан иргэдийн талаарх мэдээллийг хүлээн авч, Норвегийн Анагаах ухааны агентлагтай хамтран ажиллаж байгаа гэдгээ мэдэгдсэн байна. Түүнчлэн Pfizer компани Норвегийн эрх баригчид асрамжийн газарт амьдарч буй өндөр настнуудыг вакцинд хамгийн түрүүнд хамруулах зорилт тавьсаныг онцолж, асрамжийн газруудад амьдарч буй тэдгээр өвчтнүүдийн дийлэнх нь архаг хууч эсвэл эдгэшгүй өвчтэй байсан болохыг дурджээ.

Норвегийн Анагаах ухааны агентлаг "нас баралтын тоо нь аюултай хэмжээнд хүрээгүй мөн урьдчилж гаргасан тооцооллоос даваагүй" хэмээн үзэж байгаа аж.

Эх сурвалж: BBC

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.