Эболагийн вирусын эсрэг Ремдезивир эм КОВИД-19 өвчний эсрэг үр дүнтэй байна

Twitter Print
2020 оны 04-р сар 17-нд 12:37 цагт
Мэдээний зураг,

Ремдезивир нэртэй туршилтын эмийг хэрэглэсэн коронавирусын халдвар авсан өвчтнүүд богино хугацаанд эдгэрч гарч байгаа тухай Америкийн эрүүл мэндийн statnews.com сайтаас мэдээлж байна.

Ремдезивир эмний клиникийн туршилтанд орж буй өвчтнүүдэд бүгдэд нь амьсгалын замын цочмог үрэвслийн шинж тэмдэг илэрч, өндөр халуурч байсан ба Ремдезивир эмийг ууснаар тэдгээр өвчтнүүд долоогоос ч бага хоногийн дотор эдгэж, эмнэлгээс гарсан тухай клиникийн туршилтыг удирдаж буй эмч онцолсон байна. Чикагогийн их сургуулийн халдварт өвчин судлаач, Ремдезивир эмийн клиникийн туршилтыг удирдаж буй Кэтлин Муллан, "Сайн мэдээ гэвэл туршилтанд орсон өвчтнүүдийн маань дийлэнх нь эдгээд, эмнэлгээс гарсан.

Одоо эмнэлэгт хоёр л өвчтөн үлдээд байна." гэжээ. Тэрээр Ремдезивир эмийн клиникийн туршилтын албан ёсны үр дүн гартал яаран мэдэгдэл хийхийг хүсэхгүй байгаа гэдгээ онцолсон байна. Одоогийн байдлаар коронавирусээр үүсгэгддэг КОВИД-19 өвчнийг эмчлэх батлагдсан эмчилгээ байхгүй байгаа ба халдвар авсан иргэд уушгины хатгалгаа, амьсгалын цочмог үрэвслээр хүндрэх нь элбэг байгаа билээ. Америкийн Үндэсний Эрүүл мэндийн институт нь Ремдезивир эмнээс гадна КОВИД-19 өвчний эсрэг олон төрлийн эм, эмчилгээг туршиж үзэж байгаа аж.

Report: Experimental drug remdesivir helping some Covid-19 ...

Америкийн Gilead Sciences компанийн бүтээсэн Ремдезивир эмийг Эбола вирусын эсрэг туршиж байсан ба тухайн эм Эбола вирусын эсрэг эмчилгээнд амжилт багатай нь тогтоогдсон ч амьтан дээр хийгдсэн олон тооны туршилтын үр дүнд Ремдезивир нь коронавирусээр үүсгэгддэг SARS, MERS зэрэг өвчнөөс урьдчилан сэргийлэх, эмчлэх зэрэгт үр дүнтэй байгааг тогтоосон аж.

Ремдезивир эмний клиникийн туршилт хэдэн 10 эмнэлгүүдэд зэрэг явагдаж байгаа ба Gilead компани туршилтанд орж буй хүнд хэлбэрийн КОВИД-19 өвчтэй 2400 өвчтний эмчилгээний зардлыг дааж байгаа ба дэлхийн өнцөг булан бүр байрлах 169 эмнэлэгт эмчлүүлж байгаа хөнгөн, дунд зэргийн хэлбэрийн КОВИД-19 өвчтэй 1600 өвчтнүүдэд Ремдезивир эмийг туршиж байгаа аж. Gilead компанийн Ремдезивир эмний туршилтын үр дүн энэ сарын сүүлээр гарах төлөвтэй байгаа гэнэ.

Эх сурвалж: CNN

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.