ОХУ Украины 402 мянган иргэнийг барьцаалсан гэжээ

Twitter Print
2022 оны 03-р сар 25-нд 12:11 цагт
Мэдээний зураг,

Украины эрх баригчид ОХУ-ын зэвсэгт хүчнийхэн Украины хотуудаас нийт 402 мянга орчим иргэдийг тэдгээрийн дотор 84 мянган хүүхдийг хүчээр ОХУ руу гаргасан хэмээн үзэж буйгаа илэрхийлжээ.

Москвагийн зүгээс тэдгээр иргэд нь өөрсдийн хүслээр явсан хэмээн мэдэгдсэн байна. Украины шадар сайд Ирина Верещук Мариуполь хотоос иргэдийг нүүлгэн шилжүүлэхээр хотын гадна 40 автобус бэлэн байгаа ч ОХУ-ын зэвсэгт хүчнийхэн тэдгээрийг хот руу оруулахгүй байгаа талаар мэдэгдсэн байна.

Украины Батлан хамгаалахын яамнаас мэдээлснээр Украины зэвсэгт хүчнийхэн нийслэл Киев хотын орчимд байрласан ОХУ-ын зэвсэгт хүчнийхнийг ухрааж чадсан ба Оросын цэргүүдэд давшлах нөөц үлдээгүй байх өндөр магадлалтай гэжээ.

Украины шадар сайдын мэдээлснээр өнгөрсөн пүрэв гарагт энгийн иргэдийг нүүлгэн шилжүүлэх, хүмүүнлэгийн тусламж хүргэх 7 зам нээсэн ба үүний ачаар 3343 энгийн иргэдийг аюулгүй газар луу нүүлгэн шилжүүлж чаджээ. 

Мариуполь хотоос 2717 хүн Запорожье хот руу дүрвэж чадсан ч ОХУ-ын зэвсэгт хүчнийхэн Мариуполь хот руу хүмүүнлэгийн тусламж оруулахгүй хэвээр байгаа гэжээ.

Запорожье мужийн Пологи хотоос 117 хүнийг нүүлгэн шилжүүлсэн ба хотод хүмүүнлэгийн тусламж хүргэж чаджээ. Мелитополь хотоос иргэдийг нүүлгэн шилжүүлэх боломжгүй байгаа ч хотод хүмүүнлэгийн тусламж хүрч чадсан байна.

Харин Киев мужийн Велика Димерка, Богдановка, Бервиця хотуудаас 509 иргэнийг Броварь дүүрэгт нүүлгэн шилжүүлжээ.

Шадар сайд Ирина Верещук Украины эрх баригчид Змеиный арал дээр барьцаалагдсан хилийн цэргийн албан хаагчид, энгийн иргэд, төрийн албан хаагчдаа суллахаар ажиллаж байгаа гэжээ.

Эх сурвалж: The Guardian

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.