ДЭМБ-ын санхүүжилтийг зогсоох шийдвэрийг буруушаажээ

Twitter Print
2020 оны 04-р сар 15-нд 10:41 цагт
Мэдээний зураг,

НҮБ-ын Ерөнхий нарийн бичгийн дарга Антониу Гутерреш АНУ-ын Ерөнхийлөгч Доналд Трампын ДЭМБ-ын санхүүжилтийг зогсоох шийдвэрийг буруушааж буйгаа илэрхийлжээ. Өнгөрсөн мягмар гарагт АНУ-ын Ерөнхийлөгч Доналд Трамп ДЭМБ-ын санхүүжилтийг зогсоохоо мэдэгдсэн юм.

Түүний мэдэгдсэнээр ДЭМБ коронавирусын халдварын тухай цаг тухайд нь мэдээлээгүй, улс орнуудад уг вирусын халдварын тухай үнэн бодит мэдээлэл өгөөгүй аж. Үүнтэй холбоотойгоор НҮБ-ын Ерөнхий нарийн бичгийн дарга Антониу Гутерреш, "Одоо энэ цаг үед коронавирусын цар тахалтай тэмцэж буй ДЭМБ болон өөр бусад хүмүүнлэгийн байгууллагуудын үйл ажиллагаагаа явуулахад шаардлагатай санхүүжилтийг танах цаг нь биш." хэмээн онцолжээ.

Түүний хэлж байгаагаар улс орнууд коронавирусын цар тахлыг зогсоож, цар тахлын улмаас гарсан хор уршгийг арилгах тал дээр хамтран ажиллах ёстой аж. АНУ-ын Ерөнхийлөгч Доналд Трампын хувьд ДЭМБ санхүүжилтийнхээ дийлэнх хувийг АНУ-аас авдаг атлаа БНХАУ-д хэтэрхий их анхаарал хандуулж байна хэмээн нэг бус удаа шүүмжилсэн ба тус байгууллагын санхүүжилтийн асуудлыг дахин авч хэлэлцэнэ гэдгээ мэдэгдэж байсан билээ.

Генсек ООН раскритиковал решение Трампа прекратить финансирование ...

ДЭМБ өнгөрсөн 3-р сарын 11-нд коронавирусын халдварын дэгдэлтийг цар тахлын хэмжээнд хүрсэн хэмээн мэдэгдсэн юм. Хамгийн сүүлийн үеийн мэдээгээр дэлхий даяар коронавирусын халдвар авсан нийт тохиолдол 2 саяд ойртоод байна. Түүнчлэн уг вирусын халдварын улмаас 126 604 хүн нас бараад байна. 

Эх сурвалж: RIA.ru

Содномцэрэнгийн Энхзаяа 

Mongolcom.mn 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.