Галт зэвсгийн тухай хуулиа чангатгахыг шаардан АНУ даяар иргэд жагсаж байна

Twitter Print
2022 оны 06-р сар 12-нд 10:41 цагт
Мэдээний зураг,

АНУ даяар хэдэн арван мянган иргэд эрх баригчдаас галт зэвсгийн тухай хуулиа чангатгахыг шаардан жагсаж байна. АНУ-ын Ерөнхийлөгч Жо Байден иргэдийн шаардлагыг дэмжиж буйгаа илэрхийлэн, Конгрессыг "галт зэвсгийн аюулгүй байдлын тухай хуулийн төслийг" батлахыг уриалжээ.

Өнгөрсөн сарын 24-нд Техасын Увалде хотын бага сургуульд гарсан зэвсэгт халдлагын улмаас 19 хүүхэд, 2 том хүн амиа алдсан бол уг халдлагаас хэдхэн хоногийн өмнө Нью Йоркийн Баффало хотын дэлгүүрт зэвсэгт этгээд 10 хүний аминд хүрсэн билээ.

2018 онд Флоридагийн Парклэндын сургуульд гарсан зэвсэгт халдлагаас амьд үлдсэн хохирогчдын үүсгэн байгуулсан галт зэвсгийн аюулгүй байдлын төлөөх March For Our Lives байгууллагаас мэдээлснээр Америк даяар галт зэвсгийн тухай хуулийг чангатгахыг шаардсан 450 орчим жагсаал цуглаан зохион байгуулагдаж байгаа ба хүмүүс галт зэвсгийн улмаас амь насаа алдсаар байгаа энэ үед улстөрчдөд юу ч болоогүй юм шиг зүгээр суухыг зөвшөөрөхгүй гэжээ.

Ерөнхийлөгч Жо Байдений хувьд Конгрессоос галт зэвсгийг хориглох, галт зэвсэг эзэмшигчдийн хяналт шалгалтыг сайжруулах зэрэг галт зэвсгийн хяналтыг сайжруулах хуулийн төслийг дэмжихийг уриалжээ. Тэрээр өөрийн твиттер хуудаснаа, "Өнөөдөр улс даяар залуус америкчуудын, галт зэвсэг эзэмшигчдийн дэмжлэгийг хүртээд буй галт зэвсгийн аюулгүй байдлын тухай хуулийг батлахыг Конгрессоос шаардан жагсаж байна. Миний бие бас тэдэнтэй нэгдэж, Конгрессоос ямар нэг арга хэмжээ аваач гэж ахин дахин хүсэж байна." хэмээн бичжээ.

Эх сурвалж: BBC

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.