UFC-ийн аварга асан Ми еша Тэйт хөнгөн жингийн анхны тулаанаа Лорен Мерфитэй хийнэ

UFC-ийн аварга асан Миеша Тэйт хөнгөн жингийн анхны тулаанаа Лорен Мерфитэй хийнэ. 5-р сарын 14-ний тулаанд хоёр тулаанчаас өөр тулаан одоогоор зарлагдаагүй байна.

UFC-ийн эмэгтэйчүүдийн дунд жингийн аварга асан Миеша Тэйт жингээ сольж байгаа талаар өмнө нь мэдээлэл гарч байсан билээ. MMA Fighting-ийн мэдээлснээр Тэйт 5-р сарын 14-нд UFC Cart тэмцээнд хөнгөн жингийн аварга Лорен Мерфитэй тулалдана.

Уг нь энэ тулаан дөрөвдүгээр сард болох UFC 273-т өдөрлөгийн үеэр болох байсан ч хуваарийн өөрчлөлт гарч тулаан хойшилжээ. Тэйт 19:8 гэсэн амжилттай яваа бөгөөд өнгөрсөн жилийн 7-р сард болсон UFC Vegas 31 тэмцээнд Марион Ренотой тулалдаж гуравдугаар үед техникийн нокаутаар ялж таван жилийн дараа холимог тулааны рингнээ гарсан юм.

Дараа нь тэрээр арван нэгдүгээр сард болсон UFC Vegas 43 тэмцээнд Кетлен Виейратай таван раунд тулалдаж, шүүгчдын шийдвэрээр ялагдал хүлээжээ. Амжилтынхаа оргил үед тэрээр 2016 оны UFC 196 өдөрлөгт Холли Холмыг гайхалтайгаар ялж UFC-ийн дунд жингийн аваргын бүс хүртсэн бөгөөд UFC 200 өдөрлөгт Аманда Нунест бүсээ алдсаныхаа дараа Тэйт Ракуэл Пеннингтонд мөн ялагдаж зодог тайлж байгаагаа зарласан.

Харин өнгөрсөн жил холимог тулааны дэвжээндээ эргэн ирсэн тэрээр шинэ жингийнхээ дебют тулааныг хийхэд хэдхэн сар дутуу байна. Түүний өрсөлдөгч Мерфи 15:5 амжилттай байгаа бөгөөд өнгөрсөн есдүгээр сард болсон UFC 266 өдөрлөгт Валентина Шевченкотой тулалдаж дөрөвдүгээр үед техникийн нокаутаар ялагдсан нь түүний замналын анхных нь хүнд цохилтоор ялагдсан нь болжээ.

Мерфи Аваргын цомын төлөөх тулаанд Андреа Ли, Роксанна Модаффери, Жоан Калдервуд нарыг ялсан зэрэг таван тулаанчыг дараалан ялж байсан.

Мерфи 2017 онд The Ultimate Fighter шоуны 26-р улиралд жиндээ орохоосоо өмнө 145, 135-ын аль алинд нь тулалдсан бөгөөд UFC-д 125 амжилт гаргаж байгаа гэж мэргэжилтнүүд дүгнэдэг билээ.

5-р сарын 14-ний өдөр хоёр тулаанчаас өөр тулаан одоогоор зарлагдаагүй байна.

Дэлгэрмаагийн Баасанжаргал

 

Энэ мэдээ танд таалагдаж байвал LIKE хийгээрэй. Танд баярлалаа.