Л.Гүндалай: Гэрийнхэндээ каргогоор илгээх барааны татварыг хөнгөлөх асуудлыг намраас хэлэлцэнэ

Twitter Print
2014 оны 06-р сар 11-нд 17:56 цагт
Мэдээний зураг,

Боомтын нэгдсэн захиргааны дарга Л.Гүндалай, Гаалийн ерөнхий газрын дарга О.Ганбат нар  өнөөдөр “11 11” төвд ажиллав. Энэ үеэрээ нийтдээ 2500 иргэний асуултад хариулт өгсөн байна. Боомтын нэгдсэн захиргааг Засгийн газрын Хэрэг эрхлэх газрын дэргэд байгуулснаас хойш хоёр сар гаруйн хугацаа өнгөрөөд байна.

Монгол Улс  42 хилийн боомттой бөгөөд гааль, мэргэжлийн хяналт, хилийн цэргийн үйл ажиллагааны уялдаа холбоог сайжруулах, боомтоор нэвтэрч буй иргэдэд дэлхийн түвшинд хүрэхүйц  үйлчилгээг үзүүлж, цаашдаа эдийн засгийн чөлөөт бүс болгоход үйл ажиллагаагаа чиглүүлж ажиллана гэдгээ тус захиргааны дарга Л.Гүндалай энэ үеэр онцолсон юм.

Мөн гадаадад амьдарч буй иргэд гэрийнхэндээ шуудангаар илгээмж илгээхэд гаалийн татвараас хөнгөлөх талаар хуулийн төсөл боловсруулж ирэх намрын чуулганаар УИХ-д оруулахаар бэлтгэж байгаагаа ч дурдаад амжив. Гаалийн байгууллага нь улсын хилээр орж гарч байгаа ачаа бараанд гаалийн хууль тогтоомжийн дагуу хяналт шалгалт тавьдаг.

Мөн энэ үеэр ГЕГ-ын дарга О.Ганбат “Гаалийн хуулиуд шинэчлэгдэж, үзэл баримтлал нь дэлхийн гаалийн байгууллагын бусад конвенц, үзэл санаа, “21 дүгээр зууны гааль” гэх  олон улсын хуультай нийцэж байгаа” гэдгийг онцолсон юм. Уг хуулиар хууль ёсны худалдааг дэмжихээс илүү хөнгөвчлөх, аль болох биет үзлэгээс ангид цахимжуулсан, эрсдлийн удирдлагын гол хэрэгсэл болсон рентген аппарат, эрэлч нохойн үзлэгийг хөгжүүлэх замаар шуурхай, аюулгүй үйл ажиллагаа явуулахад анхааран ажиллаж байгаа гэдгээ ч дурдлаа.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.