Мѳнгѳгүйгээр сайхан амьдрах
Ѳнѳѳ цагт ялагч ялагдагч, доод давхрагын хүн гэх мэтээр нэгнээ ангилах боллоо. Ийм ялгааг мѳнгѳ бий болгож, тэр л биднийг нийгмийн доод давхарга ба дээд давхаргад хуваан эрх ямбаа эдэлж байна. Гэтэл орлого ихтэй бүх хүнийг аз жаргалтай амьдарч байгаа юу гэвэл үгүй. Орлого багатай хүнийг баяр баясгалангүй амьдарч байгаад тооцох боломжгүй. Ганц ялгаа нь юу гэвэл мѳнгѳтэй ч мѳнгѳгүй ч тэр хүн алив зүйлээс сайхныг олж харах нүд юм. Харин тэр сайхан зүйл ѳчүүхэн жижиг зүйлээс эхтэйг олж мэдвэл бид ѳнѳѳдѳр халаасандаа мѳнгѳтэй ч мѳнгѳгүй ч таашаалыг бий болгож чадна. Таашаал…
Таашаал юунаас үүсдэг тухай бодож үзье. Бага насаа эргэн дурсахад, гадаа амаа цангатал тоглож гэртээ орж ирээд буцалсан ус балгалахад тэр ус юугаар ч солимгүй амттай санагддаг. Гэртээ сууж, хэвтэж байгаад уусан ус гүйж яваад уусан ус хоёрын амт ѳѳр ѳѳр амтагддаг хууль бүхий л салбарт ижил үйлчилдэг. Ажлын завсарлагаанаар идэх хоол үнэтэй рестораны хоолноос илүү амттай санагдана. Юу вэ гэвэл БҮТЭЭЛЧ хүнд ТААШААЛ олгогддог. Миний бодлоор нийгмийн доод давхрагын хүн бол орлого багатай хүнийг хэлдэггүй харин бүтээдэггүй хүнийг хэлэх болов уу. Хүн ямар нэг зүйлийг хийж бүтээхдээ аз жаргалыг мэдэрдэг. Мѳнгѳ олохын тулд бүтээх хэрэггүй дээ. Ѳдѳр тутмаа гэрэлтүүлэхээр, баяжуулахаар бүтээх явдал.
Хэрэв мѳнгѳ нэг л ѳдѳр алга болбол зарлагадхаас ѳѳрийг хийж чаддаггүй хүмүүсийн үнэ цэн газарт унана. Харин эвлүүлдэг, наадаг, барьдаг, босгодог хүмүүсийн үнэ цэн тэр цагт жинхэнэ утгаараа цойлох байх даа. Гэхдээ тэд үнэлэгдэх гэж хийдэггүй. Зүгээр л таашаалаа гүнзийрүүлэхээр ѳдѳр бүр зүтгэдэг юм.
Тэгвэл яавал бид бүтээдэг хүн болох вэ?
. Худалдаж авалгүйгээр аз жаргалтай амьдрах энгийн арга бол ТОМРУУЛДАГ ШИЛ ийг ашиглах явдал юм. Цѳѳхѳн эд зүйсээ тултал ашиглахын тулд бид тэднийгээ илүү сайн таниж мэдэх хэрэгтэй. Тэр ѳдрийн тэнгэрийн ѳнгѳ, үүлний хэлбэр, сарны хѳдѳлгѳѳн, ургамлын ѳсѳлт зэрэг байгалийн юмс үзэгдэлд ач холбогдол ѳгѳх. Танихгүй хүнтэй буу халах, гэр бүлийнхэнтэйгээ цаг гаргах. Ийм байдлаар ѳѳрийн бүтээж буй жижигхэн ертѳнцѳѳ таниж, баяжуулах арга самбаа хайх шаардлагатай болно.
. Худалдаж авалгүйгээр аз жаргалтай амьдрах хоёр дахь арга бол ХУРДАА БАГАСГАХ. Томруулдаг шил барьчихаад хурдан алхаад байвал томруулдаг шилэнд юу ч харагдахгүй. Түүнийг харахын тулд аль чадахаараа тогтон анхаарлаа тѳвлѳрүүлэх чухал. Бид машин бариад явахад хажуугийн хашлагад ургасан цэцгийг харж чаддагүй шүү дээ. Гэвч хурдаа багасгаснаар тэдгээр үзэсгэлэн гоог олж харах нүд нээгдэх юм. Физеологийн хурд багассанаар зүрхний хэмнэл хүртэл тогтворжиж тайван налгар болох шинжтэй.
Худалдаж авалгүйгээр аз жаргалтай амьдрахад санаж явах хамгийн чухал зүйл бол ХАРАХ ѲНЦѲГ. Худалдаж авахгүй амьдралаар хүчилж амьдрахгүй, хичээл зүтгэл гарган тэвчиж амьдрахын нэр биш юм. Энэ амьдралаар замнахыг хичээгсэд маань ѳѳрийн сонгосон жижигхэн чамин амьдралдаа эерэгээр хандан, үүндээ сэтгэл хангалуун байх л юу юунаас илүү чухал билээ. Нэгэнтээ л бид амьдрал гэгч аялалд хѳл тавьсан хойно зѳв замаар урагшилахыг хүсэхгүй байна гэж үү? Харах ѳнцѳг ѳѳдрѳг байх аваас гишгэх зам маань дэнлүүтэй. Харах ѳнцѳг сѳрѳг байх аваас гишгэх зам үл харагдана.
Одоо би та бүхэндээ худалдаж авахгүй амьдралын арга техникээс хуваалцая. Үүнийг хуваалцахаас ѳмнѳ худалдаж авахгүй амьдрал бидэнд юу бэлэглэдэгийг харцгаая.
. Бие болоод сэтгэл зүй эрүүл
. Цагт баригдаагүй амьдрал
. Юмханаар юм хийх арга ухаан
Эдгээр гурав таных.
Арга техник.
. Зээлэх. Худалдаж авалгүйгээр хэрэгцээгээ хангаж болох ѳчнѳѳн зүйл байдаг. Номын сангаас ном, ведио паркатнаас кино гэх мэт. Ингэснээр гэрийн зайг элдэв зүйлээр дүүргэхгүй.
. Хуваалцах. Нэг ѳрѳѳгѳѳ хэрэгтэй нэгэнд хѳлслѳх, унаа хэрэг гарвал ѳдрѳѳр хуваалцдаг машины газраар үйлчлүүлэх гэх мэт
. Солих. Танд хэрэггүй зүйл тэнд хэрэгтэй байж болох. Тэнд хэрэггүй зүйл танд хэрэг болж мэднэ
. Орлуулах. Худалдаж авахгүй амьдралыг бодож явдаг хүн орлуулах аргад дадлагашдаг. За байз, энийг яаж тийм юм болгох вэ? Тэрүүгээр яаж тийм юм хийх вэ гээд.. Толгой ажиллах хэрэг гарна даа.
. Засч сэлбэх. Шинэ будаг түрхээд цоо шинэ мэт болгоод тавьдаг алтан гартнууд бий. Та ч бас тэдний эгнээнд орох боломжтой
БҮТЭЭЛЧ амьдрал ийм сайхан.
Канэко Юкико-гийн номноос
Эх сурвалж: Ээнээгийн тэмдэглэл
Энэ мэдээ танд таалагдаж байвал LIKE хийгээрэй. Танд баярлалаа.
