Японы COVID19-өөс зайлсхийх маш энгийн атлаа гайхамшигтай туршлага

Twitter Print
2020 оны 12-р сар 30-нд 16:09 цагт
Мэдээний зураг,

Ковид-19 гэдэг нэр нь ч бүртгэгдээгүй атлаа хүн төрөлхтөнд шүдээ үзүүлж, Уханьд уулгалан дайрч байсан энэ оны 2-р сард 3700 зорчигч, тэдгээрийн 630 халдвар тээгч болсон Даймонд Принцесс хэмээх аялалын аварга хөлөгт Япон эрэгтээ газардах зөвшөөрөл олгоод байв.

378 мянгахан км2 нутагтай, 126 сая хүн амынх нь 26% буюу 33.0 сая нь 65-аас дээш настай хөгшчүүдийн оронд аюул нөмөрч наад зах нь 400,000 хүнээ алдан сөхрүүлэх бодит аюул тулгарч байгааг шинжээчид бичиж байв. Ухань-аас иргэдээ татаж авсаар л, эрдэмтдээр багаа бүрдүүлсээр л, чимээгүйхэн ажилласаар л байв.

Гайхалтай нь Япон аж үйлдвэржсэн Их 7-ийн орнууд адил хатуу хөл хорио тогтоогоогүй, шинжилгээнд олноор нь хамруулах аргын алийг нь хэрэглээгүй хэрнээ шинжээчдийн таамаглал төөртөл бага хохирол амсаад байгаа төдийгүй дотор төдийгүй, улсаа гайхалтай тайвнаар амжилттай удирдсаар, 2020 оны Олимпийг сүүлийн мөч хүртэл цуцлахгүй хугацаанд нь зохиохоор бэлтгэлээ хангасаар байв. Их7-ийн орнуудын 1000 хүнд ногдох шинжилгээний тоог үзүүлсэн графикаас Япон хамгийн бага буюу хүн амынхаа 0,2% -ийг шинжилгээнд хамруулсныг харуулж байна.

Улс орондоо хатуу хөл хорио тогтоолгүй, Хятад, Сингапур зэрэг шиг хүн амаа хатуу хяналт тандалт хйихгүй, АНУ, Англи зэрэг бусад хөгжилтэй шиг өргөнөөр шинжилгээнд хамруулалгүй, БНСУ шиг хүмүүсээ 7 хоног бүр ПСР-т оруулахгүй ч эдийн засаг, эрүүл мэндийн асуудлыг хоюуланд нь хохирол маш бага учруулахаар зохицуулсаар байна. Хатуу хөл хорио Японы онцлогоос шалтгаалан хэрэгжих боломжгүй, хойноос нь хөөж бөөнөөр нь шинжилгээнд оруулах арга баталгаатай үр дүнтэй биш, хугацаа алдахаас гадна шинжилгээний цаана заавал үлдэхээр байгаа тул хэрэгжүүлэхэд хялбар хэрнээ, үр дүн сайтай байх урьдчилан хамгаалалтын системээр хамгаалахыг Ошитани Хитоши нарын эрдэмтэд зөвлөжээ.

Ингэснээр 3 сар гэхэд хялбар, хямд, зөөлөн эвтэй, хамгийн гол нь урьчилан хамгаалахад суурилсан үр дүн сайтай san-mitsu буюу “3С” системээр ажиллаж эхэлсэн байна. Японы ЗГ “3С”-аас гадна Үүнд архи дарстай оройн хоол, 4-өөс олноороо ууж идэх, амны хаалтгүйгээр ярилцах, нийтийн байранд амьдрах болон хувьцас солих, завсарлах өрөө ашиглах зэрэг 5 аюулыг онцгойлон сэрэмжлүүлжээ. Хүмүүсээ мэдлэгжүүлэх, чадваржуулах, дадалжуулах, хариуцлагажуулах замаар зөөлөн зүйтэй аргаар ажилласаар өнөөдрийг хүртэл 223,000 тохиолдол, 3306 нас баралт бүртгэгдсэн нь Их 7-ийн орнууд дотор хамгийн бага нь болж, Герман түүний дараа орж байгаа нь (Ш.Абэ, А.Меркэль нар) ур, ухаан, хайр, хариуцлагад суурилсан үр дүнтэй хэрнээ зөөлөн, үрэлгэн бус аргаар удирдаж амжилтад хүрч байна. The Economist, Business Insider зэрэг эдийн засаг, бизнесийн хэвлэлүүд нэр хүндтэй сэтгүүлүүд Японы 3С-ээс зайлсхийх маш энгийн атлаа гайхамшигтай системтэй холбон нэгэн дуугаар тэмдэглэсэн байгааг доор эх сурвалжаар нь хавсаргаж танилцуулж байна. Хаягаар нь орж үзэж, нарийвчлан судалж, элч төлөөлөгчид, эрдэмтэн мэргэдээ дайчлаасай. Тэд зөвлөх, туслахаас татгалзахгүй гэдэгт итгэлтэй байна.

Сlosed spaces with poor ventilation буюу - Агааржуулалт, агаарын сэлгээ муутай хаалттай орон зай

Сrowded places with groups of people буюу - Хүмүүс бүлэглэн цугларах төвлөрөл

Сlose-contact settings like one-on-one conversations буюу - Шууд контакт үүсгэх нүүр тулсан харилцаа 3-аас зайлсхийх явдал юм. Үр дүнд нь АНУ зэрэг өрнийн орнуудтай харьцуулвал харьцангуй нэгнийхээ биед хүрч харилцдаг, бага орон зайд амьдардаг Азийн ард түмэн хатуу хорио тогтоох, эсвэл сүргийн дархлаанд найдан хэт чөлөөтэй байлгах хоёр туйлын аль руу ч савахгүйгээр хүн амынхаа хөдөлгөөн, бизнесийн үйл ажиллагааг харьцангуй чөлөөтэй, тогтвортой дэглэм журам мөрдүүлсээр ирсэн. Харамсалтай нь янк бүрийн хатуу арга хэрэглээгүй, сүржин мэдэгдлүүд байнга хийгээгүйгээсээ Ш.Абе хамгийн их хохиролтой явааТрампаас тааруугаар ард түмэндээ үнэлэгдэж байсан нь цаг зуурын, өнгөц үнэлгээ байсан биз.

К-19-той ургах нарнаар улаан нүүрээрээ тулсан ч, улсаа сайн удирдаж, учирсан аюулаас ард түмнээ хамгаалахад ҮНЭН ГЭДЭГТ НЬ ҮНЭМШМЭЭРГҮЙ САЙН (too good to be true) туршлага, системийг уламжлуулан үлдээсэн түүнийг түүхэнд өөрөөр үнэлэх биз. Манай удирдагчид ч бусдын сайн туршлагаас суралцаасай. Энэ бол зөвхөн нэг л бодит жишээ, үнэмшихгүй бол тунд суугаа элчээсээ, энд байгаа элчээс нь асуу.

Хуульч Санжаасүрэнгийн Оргодол

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • matilda

      (197.234.221.42) 2019-11-20 16:10
      • 0
      • 0

      Сайн байцгаана уу ноёнтоон Бид хувь хүмүүсийн хооронд мөрөөдлөө хэрэгжүүлэх боломжийг олгох зорилгоор зээл олгодог санхүүгийн бүтэц юм. Хэрэв танд хувийн төсөл байгаа бол; Эсвэл санхүүжилт хэрэгтэй. Хэрэв та сонирхож байвал бидэнтэй шууд холбоо барьж, зээлэхийг хүсч буй дүн, эргэн төлөлтийн хугацааг хэлээрэй. Бидэнтэй холбоо барина уу: matildalecoustre@gmail.com whatsapp: +33 7 52 89 40 37

      Хариулах